|
| 五月十九日 今日係約定的日子... 也是我最難面對的日子 雖然是早有心理準備..... 但是收到訊息的那一刻.... 我的淚水真的忍不住湧出來了.... 真的很心痛....很心酸.... 這刻我意會到....我真的不捨得.... 也捨不得....與妳所經歷過的一切一切...... 一起去過的地方.....一起走過的日子......一起經歷過的事..... 幻想過,有一天我們可以回到初相識的當時....開開心心的過日子.... 天天早上叫妳起床.....然後早上搭車來我家一起訓.... 唔駛擔心前途,唔駛擔心事業,唔駛擔心金錢..... 只係擔心會見唔到妳.... 現在感情真的變淡了..... 難道就沒有方法可以補救嗎.... 難道妳真的對我連半點感情都沒有了嗎.... 若果妳覺得,我們真的淡了.... 為何不試試重新開始過..... 可以再給一次機會我嗎..... | | |
| 五月十六日 今天開夜,所以一點幾先返 肥佬葉代堂 又一次的惡夢 全班都好唔like 佢 因為佢脾氣差 經常性小小野就話人 幾經辛苦,終於捱到放學 落左mk 搵燒賣佢地食飯 食到一點左右返到屋企 太累了,一返到屋企就訓左 －－－－－－－－－－－－－－－－－－－－－－－－－－－－－－－－－－－－ 五月十七日 今日一早起身，去左跑馬地馬場見工 見成左，part time 時間唔定,等通知 見完之後同同學們去食飯 之後打左陣機就各自各走 出到荃灣,行左陣街,就返左屋企 返到屋企,胃開始痛,開始肚呵 現在食左d 藥,好返好多了 －－－－－－－－－－－－－－－－－－－－－－－－－－－－－－－－－－－ 時間一日一日禁過去 十二同十三日都過了 最後一天了 十五日間,諗通左好多野 但都諗唔通好多野 諗通左,點解妳要經常性發我脾氣 諗唔通的係點解到依家我都仲去愛妳,仲中意妳 依然好掛住妳....唔知點解.... 我自問自己唔係妳心目中的100分理想情人 可能對妳而言,我只係一個對妳言聽計從的男朋友 未做到100分的要求 但我唔期望可以做到妳100分的理想情人 但我只期望我可以在妳心目中做個合格的男朋友 鼠....我愛妳..... －－－－－－－－－－－－－－－－－－－－－－－－－－－－－－－－－－－－－－－ | | |
| 今日上午就上堂,下午一點半就要去九龍塘聽講座 行車期間係度玩鋤D,十五二十 去到九龍塘果個什麼促進局後,悶到死了 聽聽下訓左,訓醒就出去攞野食 直到四點幾放學,跟住幾個同學去左又一城玩 玩左八點幾食埋飯就走 之後去左MK 搵燒賣隻龍幫我入PSP GAME 順便係佢鋪頭一齊連線玩PSP 玩到十一點幾左右一齊去接燒賣收工 之後一齊去左金太朗食野,一路傾傾傾,傾到一點 送埋燒賣搭車之後,同阿龍各自散水~ 禁就一日了 －－－－－－－－－－－－－－－－－－－－－－－－－－－－－－－－－ 今日係第十二日,還有三天 這十二天來,我一直都有想著妳 一直等著妳 也一直等待著奇蹟的出現 朋友們都說,沒有希望的了 但我依然相信,我們總有一天會和好 總有一天,我是不會討妳厭的 總有一天妳還會對我說一句 "我真的愛你" 我想給妳知的是,我依然對妳是不離不棄的 我愛妳....我等妳.... －－－－－－－－－－－－－－－－－－－－－－－－－－－－－－－－－ | | |
| 今日都係上堂同做餐,無咩好講 只係做餐果時唔小心整傷左手指 現在無咩事了 跟住借左人地部PSP 返黎玩幾日 都再無其他事了 放學如舊,同同學落左MK 整電話 之後返屋企,無咩特別 －－－－－－－－－－－－－－－－－－－－－－－－－－－－－－－－－－－－－－－－ 今日係第十一日了 轉眼間就過了十一日 距離約定日子還有四日 心情仲係複雜得很 開始經常性胡思亂想了 加上我真係諗唔到,再過多四日之後的情況如何 究竟四日之後,我打比妳先定妳會打比我先 我打比妳,第一句同妳講咩好.... 即使約到妳出黎見面,又會用咩心情去同妳見面好..... 我地之間存在了太多問題了... 我真係想和妳可以和平禁傾下.... 講下大家有咩唔岩...好讓大家知道 其實一直以來,有好多野我無講到出口 其實只係怕妳會唔岩聽....話我煩 但係我真的是想為妳好.... 現在我只希望四日後,我們的感情問題可以解決到 因為我相信,我們這一年四個月不是白過的..... －－－－－－－－－－－－－－－－－－－－－－－－－－－－－－－－－－－ 若果有一天,妳問我,有沒有後悔和妳一起 我會答沒有後悔過,因為由開始那一刻 我經己是全心全意的去愛妳 毫無保留的去愛妳 直到最後一刻,最後一口氣 我都不會放棄!! 因為這是我的對妳的承諾和執著!! 願有一天,妳會再親口對我說一句..... "我愛你" 我等著妳..... "我 愛 妳! !" －－－－－－－－－－－－－－－－－－－－－－－－－－－－－－－－－－－－－－－－ | | |
| 今日終於返學了,在無人通知返幾點的情況下,返對了時間 依然係上堂,上堂同上堂,好悶的一天 放左學,出左mk,睇下出左負犬未 結果都係仲未出.... 之後無咩心機,就返左屋企 －－－－－－－－－－－－－－－－－－－－－－－－－－－－－－－－－－－－－－－ 今日係第十日了.....依然都係無妳的電話打來.... 我們經有二個星期無見了..... 這十日期間,我只靠打日記,安慰自己同埋一點點希望黎過日子.... 我天天就望住妳給我的那條短訊,不停地給自己希望 希望十五日後的那天,我們可以和好.... 我們的關係可以給修補 我知道妳變了,我們的感覺都變了 妳同朋友講的話題什至多過我同妳.... 我都知道這十天來,妳可能根本就無上過黎睇..... 可能根本唔想理.... 但係我依然會堅持.....堅持去相信這個希望..... 我等著妳的回應..... 我愛妳.... －－－－－－－－－－－－－－－－－－－－－－－－－－－－－－－－－－－－－ 等....從來是一件難過的事..... 若果你等的是一個愛你的人,那麼等多久都是值得的 若果你等的是一個不愛你的人,那麼再等多久都是沒有意義的 現在我等的是一個我愛的人,但我不知她還愛我與否.... 但我會一直等下去....因為我覺得這是值得我去等的事.... －－－－－－－－－－－－－－－－－－－－－－－－－－－－－－－－－－－－－－ | | |
|
